එච්චර ආදරයක්?

වචන විද්දට

පපුවෙ මැද්දට 

අලුවෙන්න 

හිත පුච්චන!

නපුරු කමමයි 

උඹේ මූනට 

පුරවන්නෙ ඔය 

ලස්සන!

"ආදරෙයි...! ආදරෙයි...!!" 

කියලා 

කිව්වෙ නැතුවට 

තිස්සෙම;

ආදරේ නම් 

විඳලා නෑ බං 

මාත් මෙතුවක් 

ඔච්චර

ඒක හින්දම 

වෙන්න ඇති මං 

ලෝබ වෙන්නෙත් 

මෙච්චර!!!

හිතවත

නුඹය මගෙ සඳවත

දොවන හද මල

පෙම් දියෙන් කරමින් තෙත

මුත් බොහෝ දින වල

අමාවක පමණක් ඇත

ඉතින් මම තරු ගනිමි

එකින් එක 

ඔහේ පායන නුබ මත

නුඹය මගෙ පෙම් කෙත

රන් කරල් නිල වද්දන

හදම කරමින් කම්පිත

පුරන් කරවන හිත් කෙත

නුඹම මොහොතක 

ඉඩෝරය වෙත

ඉතින් මම දිය සොයමි

කිරි වද්දන්න මගෙ හිත

එතරම්ම සොඳුරුයි

නුඹෙ හිත

රුදුරු වෙන්නේ

කොහොම එහෙමට

ඉතින් හිතවත

දන්නවද නුඹ

කියවන්න අමාරුම මට

නුඹේ ඔය හිත!