දුරක් බල බල මුණිවතෙන් හිත් ගිණි කඳක් බර උහුල්ලා
ගන්න හයියක් කොයින් ලැබුණද කියා මට උඹ කියල්ලා
මලක මෙලෙකක් නැතත්, අත්ලට වෙඬරුවෙන් හිත හෙවිල්ලා
ගත්ත පව ගැන විඳවනා දුක පිරිමි හිතකින් අහල්ලා
වේදනා ඇති අස්සෙ හිරවුනු හීන අහුලන හිතක අහුමුලු
පාරවා ගෙන ඉන්නවා ඇති කාත් එක්කත් නොවී දොඩමලු
අපුල්ලා ගල්කුලක් මත කලු හැඟුම් කැටි වී ගලක් වූ රළු
හේදිලා ඇති පිරිමි කඳුලෙන්, මඩත් තුත්තිරි රැඳි පතිනි සලු